Equipamentus kampu jeolojia

EQUIPAMENTUS KAMPU NIAN

1. Equipamentus Kampu Nian Ho Nia Funsaun

Ita ema moris iha mundu ne aumenta ba bebeik, no ita sempre presija instalasaun no infrastutura moris nian ho uja sasan sira ne’ebé maka fornese hosi natureza, ne’ebé koñesidu ho rekursus naturais. Rekursus naturais ita fahe ba oin rua maka hanesan rekursus naturais biolojiku (flora no fauna) ho rekursus naturais laos biolojiku (minerais, minarais no be). Rekursus naturais sira ne foin bele fó nia funsaun sekuandu ita hatene ona nia fatin hanesan halo eksplorasaun/buka, eksploitasaun/foti, no halo nia sai sasan ne’ebé maka ita ema bele uja no fan ba to konsumidores (marketing) ne’ebé maka bele fó funsaun bot ba ita hotu.

Tamba ne’e atu halo buat sira ne sai realidade, ita sempre presija ajuda hosi teknolojia maka hanesan:

· Atu lori sasan ba to konsumidores presija teknolojia merkadu nian, buat ne halo hosi ema ekonomista sira.

· Atu halo sasan foun ida to’o sai sasan ne’ebé maka hein uja deit no mós presija teknolojia, buat ne’e halo hosi ema kimika sira.

· Atu foti sasan sira ne’ebé maka iha natureza hela, no prosesa nia sai sasan ne’ebé maka hein uja deit mós presija teknolojia, buat sira ne’e halo hosi ema enjineria sira (miner).

· Atu buka sasan sira ne’ebé maka iha natureza hela no nia segredu mós presija teknolojia ekplorasaun, buat ne’e halo hosi ema jeolojista sira.

Hosi komentariu sira ne’e ita hare hanesan komesa hosi buka sasan (ekstrativu/bahan galian) to’o mai sai sasan ne’ebé maka hein uja deit hosi sosiadade liu hosi aktividade ne’ebé maka naruk no sempre serbisu  hamutuk entre sientista ida-ida.

Sientista jeolójia koñesidu ho geologist hanesan primu ho sientista minas ho koñesidu miner, maske ida-ida iha ninia serbisu rasik, no sira rua haree hotu ba mapa ida ne’ebé maka koñesidu ho mapa jeolójia.

Tamba ne’e iha prinsipiu ida ne’ebé bele halo diferensia entre serbisu sientista jeolójia nian ho sientista minas nian maka hanesan:

· Sientista jeolojia nian ne’ebé maka hasai estudu iha enjeneria jeolójia

(geological engineering) fó koñesimentu atu halo mapa jeolójia, atu le’e mapa jeolojia no halo interpretasaun ba mapa jeolójia.

· Sientista minas nian ne’ebé maka hasai studu ha enjeneria minas (mining engineering ho petroleum engineering) fó koñesimentu atu le’e mapa jeolojia, halo interpretasaun ba mapa jeolojia no oinsa atu prosesa nia.

Atu halo mapa jeolójia hanesan serbisu ema jeolojista nian, presija instalasaun no insfrastutura baziku maka ita hanaran equipamentus kampu nian.

· Infrastutura ne’ebé importante maka hanesan ita ema domina siensia jeolójia, fisika, saude, serbisu makas, dixiplina no forsa nafatin atu hasoru desafiu iha kampu iha momentu ita mesak ou serbisu hamutuk ho ita nia maluk ne’ebé maka profisaun hanesan ho ita, respeita sosiadade no kultura.

· Instalasaun maka hanesan equipamentus kampu nian inklui hosi equipamentus prinsipal no equipamentus ajuda.

1. Equipamentus prinsipal

Equipamentu sira ne tenkiser lori hosi ema jeolojista iha momentu nia serbisu iha kampu atu halo mapa jeolojia, le’e mapa jeolojia iha kampu ou atu halo interpretasaun mapa jeolojia iha kampu. Mais sekuandu equipamentus sira ne’e maka laiha momentu nia iha kampu entaun ne’e hanesan mós ema soldadu ida atu ba funu mais lalori equipamentus funu nian, ne’e saida maka atu akontese?

1.1.  Bussola jeolójia (kompas geologi)

A. Deskripsaun ba bussola/kompas

Bussola/kompas fahe ba oin rua maka hanesan Bussola matadalan no bussola jeolojia. Bussola matadalan ba ema eskuteiru ou turista ne’ebé maka lao halimar iha area ne’ebé maka foun atu sai matadalan ba area ne’ebé maka sira atu ba.

Karakteristika hosi bussola/kompas matadalan maka hanesan:

· Iha nia bikan para fahe nia grau/derajat, dulas tuir relojiu/searah jarum jam, komesa hosi numeru 0 (iha letra N/North/utara).

· Hosi pontu numeru 0 liu hosi daun iman/jarum magnet iha letra ho numeru 180 (iha letra S/ South/selatan)

· Area norte/north/N hatudu hosi jarum magnet/iman ne’ebé maka iha daun nia tutun no area sul/south/S hatudu hosi daun nia okos, area oeste/west/w iha daun nia karuk no area leste/east/E iha daun nia los.

Bussola/kompas jeolójia koñesidu ho sistema kuadran (4x90) no sistema azimut (0-360). Mais iha mós bussola/kompas jeolojia ne’ebé maka nia sirkulu/lingkaran fahe ba 400 grau(mais agora ne lauja tiha ona).

Karakteristika hosi bussola/kompas jeolójia maka hanesan:

· Iha nia bidru atu sai hanesan ajuda halo shooting lokasi

· Ba bussola/kompas ho sistema kuadran, sekuandu iha bussola/kompas ne’ebé maka iha bidru nia tur fatin besik ba oin hosi ema ne’ebé maka kaer kompas ne, maka letra N/north iha numeru 0.

· Ba bussola/kompas ho sistema kuadran nia numeru komesa hosi 0 hadulas kontra ho relojiu/arah jarum jam 0 (N)-90 (E)-270 (S)-360 (W). Tamba ne sekuandu bidru nia tur fatin hosi kompas hasoru ho ema ne’ebé kaer kompas, maka letra W iha liman los (270) no letra E iha liman karuk. Bikan ne’ebé maka iha numeru 0 (N)-90(W)-0(S)-90(E)-0(N) ba kompas sistema kuadran no 0 (N)360(W)-180(S)-90(E) le tuir relojiu/serah jarum jam, ba kompas ho sistema azimut iha bikan nia leten ho kor metan no riska eskala/garis eskala no numeru ho kor mutin.

· Iha nia daun ida ne’ebé bele bok aan ba mai livre. Ba kompas ho sistema kuadran (4x90) nia daun ne’ebé maka hatudu area norte tau kór ajul ho nia iha todan/pemberat ne’ebé bele muda ba mai atu halo hanesan inklinasaun hosi gravidade mundu, mais daun ne’ebé maka hatudu area sul tau kór mutin. Ba kompas ho sistema azimut (0-360) nia daun ne’ebé maka hatudu area norte tau kór mean no nia tutun tau kór mutin, mais ba daun ne’ebé maka hatudu area sul taur kór mutin ho nia hatodan ne’ebé maka bele muda ba mai atu halo hanesan inklinasaun hosi gravidade mundu. Daun hosi kompas ne uja para atu sukat nia diresaun ou valor hosi strike(jurus) kamada litolojia.

· Iha nia eskala inklinasaun ho 0-90⁰, mais 0 iha letra W ba kompas ho sistema kuadran (0-90⁰) no mós kompas ho sistema azimut (90⁰ -360⁰). Numeru ho eskala ne’ebé maka hakerek ho kór metan, iha na bikan ne’ebé kór mutin ne’ebé maka sai ida hamutuk ho kompas. Daun kompas no daun inklinasaun iha ba nia poru kompas nia isin no proteja bidru ne’ebé maka sai sirklu (lingkaran) ida.

· Iha daun ida para atu hatudu nia inklinasaun kamada (dip) ne’ebé maka livre atu dulas ba fali sumbu daun kompas

· Iha nia nivel oin rua ho nia pojisaun fila kotuk ba malu, mais sira fahe malu utuan ba kompas ho sistema kuadran 0-90⁰ no sira sai ida ho daun inklinasaun nian ne’ebé maka hamutuk ho kompas parte leten nian, mais ba kompas ho sistema azimut 0-360⁰ iha mós nivel oin rua ne’ebé maka hamutuk ho daun hatudu inklinasaun, ida modelu kabuar no ida seluk modelu kabuar naruk (tabung).

· Iha mós nia makina shooting ne’ebé maka sai ida ho kompas ne’ebé maka ita bele lipat sekuandu ita lauja. Vidru ne’ebé taka kompas ne’e bele loke ou taka ho dudu sae ou dudu tun tuir ita nia nesesidade.

· Iha mós nia parte ida (sekrub) atu regula bot husi deklinasaun, no tuir deklinasaun ba mapa, ho ita dulas sekrub ne’ebé maka iha tiha ona.

· Ba kompas ho sistema kuadran 0-90⁰ ba nia parte karuk parte liur nian iha nia eskala ho medida naruk hosi 0-15 cm, mais ba parte liur partei ne’ebé maka iha vidru hakerek valor (besaran) ho nia valor sinus hosi valor (besaran) anglu 1,2,3 grau no seluk tan.

· Iha mós nia klem ida para atu kontrola daun  iman (magnet) nia lalaok.

· Kompas ne’e halo hosi logam ne’ebé maka labele dada hosi iman.

· Kompas ne’e tau ba iha bolsu ne’ebé maka espesifiku, halo para ba nesesidade rai nian. Bolsu kompas nian halo hamutuk para bele kesi ba sintu ema jeolojista nian.

NB :

Kompas labele monu tama be laran. Iha momentu ne’ebé maka ita uja kompas tenkiser haree ba ita nia sor-sorin laiha logam ida ne’ebé bele dada iman ne’e. Labele halo toman aan para lori kompas tau iha pasta laran. Tuir esperiensia dala barak ona kompas monu ou haluha tiha iha fatin halo interpretasaun nia iha kampu. Lamas kompas nia bolsu hela deit iha momentu atu muda fatin para hatene katak kompas iha ona bolsu.

B. Utilijasaun ba  kompas Jeolójia

Utilijasaun ba kompas jeolójia nian maka hanesan:

· Para halo shooting atu bele hatene ita nia pojisaun iha kampu para bele tau ba mapa. Sekuandu atu hetan los ita nia pojisaun ho lolos, shooting halo ba buat bot rua (ezemplu foho bot ruma) ne’ebé maka ita bele hetan iha kampu, no hatene nia pojisaun iha mapa. Nia lalaok maka hanesan arma tiha vistu, vidru no objektu maka ita bele haree iha liña ida. Lee nia valor anglu ne’ebé maka  hatudu hosi daun kompas nian. valor ne’e maka diresaun shooting. Kruzasa (perpotongan) entre diresaun rua ne’e maka ita nia pojisaun ne’e.

· Sekuandu ita hakarak halo mapa rute paragen kompletu ne’e, ita bele halo poligon loke ou nomos poligon taka. Atu nune’e sekuandu ita dada hamutuk bele sai mapa jeolójia.

· Atu sukat valor strike kamada fatuk nian ou diresaun fraktura, nia lalaok maka hanesan sadere parte karuk hosi letra E kompas nian ba fatuk, buka jeitu atu nune’e bé iha nivel laran tur los ona, depois lee daun ne’ebé maka hatudu arah norte ne’e. valor numeru ne’ebé maka ita lee hosi nia bikan kompas ne’ebé maka iha leten ho kór metan ne maka nia strike lapisan fatuk nian. Depois riska tiha liña iha kompas nia sorin ne’ebé maka sadere ba fatuk ne’e, liña ne’e hanesan ajuda para ita bele sukat fali nia inklinasaun kamada fatuk nian. Esperensia ba ema jeolójia foun sira susar utuan atu sukat, mais koko ba bebeik iha tempu ida sei hatene.

· Atu sukat nia valor inklinasaun (dip) kamada fatuk, nia lalaok maka hanesan sadere kompas ba nia parte W halai los ba liña ne’ebé ita riska tiha ona iha momentu ita sukat nia strike ne’e. Lee nia eskala ne’ebé maka hatudu hosi daun inklinasaun nia. Valor ne’ebé maka ita lee ne’e maka nia inklinasaun (dip).

1.1.  Martelu jeolójia

A. Deskripsaun martelu jeolójia

Martelu jeolójia ne’e halo hosi baja ba nia ulun nomos nia isin lolon ne’e. Martelu nia ulun ne naruk 15 cm, ho nia isin lolon naruk 25 cm. Martelu nia kaer fatin ho naruk 15 cm no martelu nia kaer fatin ne falun tiha ho boraisa, no nia restu ne 10 cm ne mihis los. Ba martelu kaer fatin nia tutun ne iha kuak ida para bele kesi tali atu nune’e bele tara. Martelu jeolójia ida maka ho modelu East Wing, amerika maka fabrika.

Ita hatene martelu jeolójia iha oin rua maka hanesan:

· Martelu jeolójia ba fatuk sedimentár, ho nia karakteristika martelu nia ulun sorin hanesan belar no nia ulun sorin kuadradu. Martelu ne’e ema jeolójia sira uja iha momentu halo peskija hasoru fatuk sedimentár entaun uja martelu ne’e hodi hafera fatuk sira.

· Martelu jeolójia ba fatuk magmatika, ho nia karakteristika martelu ne’e nia ulun sorin meik, no nia ulun sorin kuadradu. Martelu ne’e ema jeolójia sira uja iha momentu halo peskija iha kampu no hetan fatuk magmatika no metamorfika hodi hafera uja martelu ne’e.

NB:

Halo toman aan kesi martelu ne’e metin-metin no depois kesi ba ita nia sintu rasik. Atu nune’e martelu ne’e sei lalakon arbiru iha momentu ita halo peskija iha kampu.

A. Utilijasaun Martelu jeolójia

Martelu jeolójia ita uja tuir ita nia nesesidade

· Martelu jeolójia ne’e ita uja para bele foti sampel iha kampu, atu hafera fatuk ne’ebé maka ita foti atu halo deskripsaun. Atu hafera ba afloramentu (outcrop) ne’e, primeiru baku koko tok ba fatuk boot ne’e nia isin lolon atu nune’e ita bele hatene fatuk boot ne’e resistensia no tos los ka lae, sekuandu ita baku ba maka fatuk boot ne’e ladun lian makas no tos entaun iha parte ne’e maka ita bele hafera halo kiik hodi halo deskripsaun.

NB:

Labele koko atu foti sampel fatuk ne’ebé maka ita baku dala ida deit nia nakfera ona ne’e, maibe koko atu buka fatuk ne’ebé maka fresku (fresh) no ne’e ita baku han tempu foin nia bele nakfera atu halo deskripsaun. Martelu jeolójia hanesan equipamentu ida para ita uja atu sukat afloramentu fatuk. hanesan fó sujestaun deit sekuandu iha momentu ita atu ba kampu, ita tenkiser sukat uluk lai martelu nia isin lolon ho ulun sira ne’e. Atu nune’e ita bele sukat dimensaun afloramentu ho martelu  nia naruk hanesan comparator ida.

Martelu bele sai hanesan makina comparator iha momentu ita atu foto afloramentu ne’e, atu nune’e ema bele hatene mais ou menus afloramentu ne’e boot hanusa sekuandu ita tau martelu maka foin foto ne’e.

Martelu jeolójia bele sai hanesan fatin para atu tur, tau martelu ne’e ba rai ne’ebé maka tos no fila martelu nia ulun ne’e sae ba leten, depois maka ita tur iha leten mais ne’e hanesan temporariu deit.

NB: KARIK IHA LIAFUAN RUMA LADUN KLARU, ITA-BOOT SIRA NIA KRITIKA NO SUGESTAUN IMPORTANTE TEBES. OBRIGADO WAIN