SASUKAT STRATIGRAFIA

SASUKAT STRATIGRAFIA/MEASURING SECTION

I.1 Preambulu

Sasukat stratigrafia hanesan metodu ida ne’ebé maka sempre uja iha kampu jeolojia. Sasukat stratigrafia ne’ebé uja para hodi hetan resultadu ne’ebé detallu husi relasaun stratigrafia husi kada dalas fatuk (unidade), mahar husi unidade stratigrafia, istoria sedimentasaun husi vertikal no ambiente depojisaun husi unidade fatuk sira.

Iha kampu, sasukat srtatigrafia normalmente halao ou sukat uja metru no kompas iha afloramentu ne’ebé kontinuasaun iha perfila ruma. Sasukat tenkiser tuir dip dalas fatuk nian, tamba koreksaun anglu husi liña sasukat ho direksaun strike dalas labele bot liu.

I.2 Metodu sasukat stratigrafia

Sasukat stratigrafia nia signifika atu bele hetan figura ne’ebé detalu husi formasaun unidade stratigrafia, istoria sedimentasaun husi direksaun vertikal, no ambiente depojisaun.  Sukat perfila stratigrafia husi afloramentu iha nia defenisaun importante iha peskiza jeolojia.

Sasukat stratigrafia iha metodu rua, mak: metodu Jacob staff ho metodu dada tali.

1. Metodu Jacob staff

Metodu Jacob staff uja atu hatene inklinasaun no mahar iha afloramentu ruma. Naruk Jacob staff ne’ebé iha tena simbulu ne’e idak-idak 10 cm.

Metodu Jacob staff ne’e la uja formula hanesan metodu dada tali maibe bele uja deit iha afloramentu ne’ebé mak fo oin ba malu, no mahar ne’ebé mak foti mós mahar ne’ebé mak los iha kampu.

· Jacob staff uja tenki hare malu ho afloramentu ne’ebé mak atu sukat, ne tia halo kleuk Jacob staff tuir afloramentu ou tuir dip ne’ebé mak foti. Ne’e tia foti regua ou tali dada los to’o iha rohan Jacob staff nian, dadus ne’ebé mak foti ne’e hanesan dadus ne’ebé mak los (laiha koreksaun). Resultadu ou mahar ne’ebé mak foti husi Jacob staff ida ne’e mak mahar ne’ebé los, tamba sukat tuir dip ou tuir inklinasaun afloramentu fatuk nian.

Figura 1. metodu uja jacob staff iha kampu